السلام عليكم ورحمة الله وبركاته
هلا والله ومليون غلا تو مانورة الصفحه
في دراسة أجريت في عام الدينصورات من قبل احد الباحثين الفاضين
وجد ان طريقه الإنسان في الرد على التلفون تحلل شخصيته
وتتبلور من محض إرادته
فعلى حسب ردك فسر شخصيتك سواء كان الفاعل ذكر او أنثى
الــو :
إنسان هادي وحبوب ودايم ينام والجوال في الشاحن
ولا يقفله بس يحطه على الصامت ويحب يدهن رجليه
قبل لا ينام ويلبس شراب وتتراوح أعمار الأشخاص المستخدمين
لتلك العباره من بين العاشرة الى أربعين
هــلاااا :
اذا كان ذكر " غزلنجي بنمره واستماره
" واذا كانت انثى "
تحب النوم وتموت في شي اسمه ثوم وملقوفه"
مرحبا :
ذكر " يتمنى يشتغل في مكان فيه استقبال **ائن
" انثى " مدلعه
وشايفه حالها وتسوي نفسها تراني رديت كذا على
بالي اعرفك يالي متصل"
نـعـم :
راعي مشاكل اوراعيه مشاكل وويحبون يعيدون
الاتصال على الي يزعجونهم علشان يهزءون
ايــوه :
هذا على نياته
مين :
هذا حرامي ولا واحد عليه ديون ويبي يعرف من
الي يتكلم عشان اذا متسلف منه فلوس يقدر
يصرفه ويتزحلق على صابونه لو**<<<< مهوب الفاقد
yes :
ماعمري دقيت على احد وقالي يس ..
اتمنى اصيد احد يقولها لي في التلفون
ســم :
اذا ذكر "عنده فلوس وعنده مكتب عقار"
واذا انثى " راعيه عزايم وتحب العروس
ودله القهوه حزه مغرب وعبايتها دايم على راسها
هاااهـ:
هذا واحد عربجي يقعد عند البقالات الزقاره بيد والببسي باليد الثانيه
طبعا يلبس قراره ولكم الكرامه والثوب اصفر والكموم مفسره الى العضد من قويه
وازرة الثوب من قويه كله مفتوحه
واللي يسكـــــــــــــت :
اقيمت عليه دراسه اخرى سوف نوافيكم فيها لاحقا ..
عاد انتوا تفضلوا شوفو انتم من اي نوع..
اتمنى من كل واحد يدخل و يرز خشته يتفضل ويرد لنا هو من اي نوع...
اما انا من النوع اللي يرد بها لطريقه : ألوو
منقوووووووووووول
موضوع: أعرف شخصيتك من طريقه رٍدك ع الجوآلْ 
الإثنين يوليو 28, 2008 5:28 pm
