كل إمارة وشو أشهر أكلة عندهم

الســـــــــــلام عليـــــــــــــــــــــكم


أكلة اهل الفجيرة :

يا حافظ على هل الفجيرة ... من تيهم أتقييّل عندهم ضيف ... الله على الكرم الطافح فوق اليبال ...وخصوصا بعد يوم يقربوبك عندهم وتاكل هذيج الأكلة ما ودك بعد تظهر من الفجيرة .. بس الود ودك أتّم تظرب بالخمس ألين اليوم الثاني .. وأكلتهم مشهورة وهيه :
طاسة حلوى حارة وعدالها دلة أقهوه الملقمه في حزتها


أكلة اهل راس الخيمة

ياسلام أتسلم على هالأكلة المشهورة اللي عندهم .. .. أموت على طبيخكم اللي ما ينطبخ اللا على ظو يريد وحطب وما بينهن طابوقتين .. الصراحة يعت مشتهيه طاسة جامي ويقط ولبن من امارة راس الخيمة ......... السموحة بويه منكم ..
و أكلتهم هي الجامي و اليقط و اللبن


أكلة اهل أم القيوين :

لاااااااااا .. كله عاد ولا اهل أم القيوين ..
الصراحة عندهم أكلة ما تخطر على بال واحد بيموت من اليوع .. أسمييييه عندهم أكله ..
ما يطبخونها اللا حزّة الغدا من عقب صلاة الجمعه ..
وهيه أكلة البياح:
تراهم مشهورين أبها ومحد شراتهم وشراياهم .. أنتوا ما تشوفون عربهم ومواطنينهم شقايل ينبع الكرم منهـــــــــم ..

أكلة اهل عجمان :


ما يحتاي بعد أزيد عليكم الزود . . معروفين هل عيمان بخبز الرقاق هنتين أبييّزة .. وخصوصا بعد أوف حلاته اذا كان مدهون بدهن خنين .. وووووووه ..
وحظك من السما لو حالفك الحظ حد منهم عزم عليك تقرب عنده في البيت تاكل من ريوقهم أو غداهم أو عشاهم ...
.. ياجماعة الخير عليكم بخبز الرقاق المدهون بدهن خنين
من اهل عيمان

أكلة اهل الشارجة :


لا لا لا .. كلكم غلطانين .. هب الدانقو ولا شي ولا حتى الباجلة . . هذه كلها خرافات واحد مخرف يوعان .....
عندي انا المعلومة عن أشهر أكله عند هل الشارجة ........... الصراحة غلبتوني .. هيه نعم صدقتوا ..
ماشي أحلى من الدانقو حزّة العصر وحاط جدامك
هالطاسة الممزورة دانقو ولوميتين من الحامض
.. تعصرهن في الملة أمممممممم ....... أوففففففف أشوووووو هالعذاب ياجماعة الخير ..
أبتسم أنته تاكل الدانقو في الشارجة


أكلة اهل دبــي :

أكلة هل دبي المشهورة هيه : الهريس .. واللي ماياكل منها يخيس . . وهل دبي معروفين في الأعراس لازم يكون في وسط الحوي
جدر هريس ..
واللي يقرب لازم يغرف له بالمظراب في طاستة .. وأنا مستحيل آكل هريس من أي أما رة ثانية الا دبي .. أقصد كل أمارة ولها خصوصيتها في أكلاتها الشعبية المشهورة .... .....


اكله اهل بوظبي والعين:


كل أكله روحها صوب .. وكل وحده منهن ترمس عن عمرها .. ما أدري أشوووووو أطريلكم والاأشوووووووو ..
ترى كل وحده أحلى من ربيعتها .. بس أن بغيتوا الصدق : ترى ريوق هل بوظبي وهل العين شي مذهل وخرافي ..
يعلي أفداهم ويطول في عمارهم عربنا القبايل هل بوظبي والعين فديتهم ...... ..... و أكلتهم المشهورة ... ...
خبز خمير بثيث مفروكه والمظروبة ...