(¯`·._.·(نصائح للأعضاء الجدد .. كيف تصبح متميز و معروف في وقت قصير .. )·._.·°¯)

بسم الله الرحمن الرحيم

السلام عليكم ورحمه الله وبركاته

قبل كل شي شكله الموضوع يستاهل الثبيت... هع هع تاعب عليه ساعتين وهو يكتبه

(¯`·._.·(نصائح للأعضاء الجدد .. كيف تصبح متميز و معروف في وقت قصير .. )·._.·°¯)

صباح الخير لو كنتوا تقرون هذا الموضوع الصبح ... و مساء الخير لو كنتوا تقرونه المسا
و طبعا مابقول شي للي مابيقرونه لأنهم اكيد مب بيقرونه كله لأنه شئ طبيعي كلهم يحبونه الكلام القصير...
انا حبيت انزل الموضوع هني بالذات عشان يستفيد منه الاعضاء الجدد لأني لاحظت ان _ما شاء الله عليهم باستمرار عندنا اعضاء جدد بين يوم وليله و برغم من زيادتهم فالاعضاء اللي يطرحون او يناقشون او يتفاعلون مع المواضيع معروفين بالاسم و مابيتخيرون
و اكيد كلنا يوم بنشترك في المنتدي هذا بيكون عندنا اهداف مختلفه .. لكن الاكيد ان محد فينا يكره ان يكون اسمه معروف و ان مواضيعه او ردوده تكون محل تقدير حقيقي و ليس تقدير ادبي فقط
و انا حاولت ألخص هالكلام شويه من نقط بأسلوب ان شاء الله مايكون دمه ثقيل ممكن كل عضو يديد لو اتبعها بيتم من الاعضاء المميزين من اول كلمه يكتبها ان شاء الله
و لو حد كان عنده اضافه يا ريت مايبخل علينا بها ... نبتدي بالنصائح
أ- نصائح عــامه

1- كن حريصا علي زياره قسم التهاني و الترحيب و ارسال تهنئتك للأعضاء الجدد
هذه مب بس بيسعدهم .. بعد بيديك فرصه اكتساب صداقه بسهوله و ضمان مشاهدين لمواضيعك و متفاعلين لردودكم و لو من باب الذوق . والمحبه والأحترام

2- تجنب استخدام التوقيعات المليئه بالصور بدون داعي ... لأن هذا يجبر بعض الاعضاء ممن يستخدمون اتصال بطئ بالنت على الغاء خاصيه عرض التوقيع و هذا طبعا بيديهم

ب - و انت يوم بتكتب موضوع جديد

1- لازم تكون تعرف ان التميز مب أيي لمجرد انك بتنزل مواضييع كثير ... ركز في الموضوع اللي بتنزله لو عندك شي يديده محد اتكلم فيه أو عنه يتم ماشي .. و أتحذر تنزل موضوع لمجرد التواجد.

2- خلك امين .. مب عيب ابدا انك تكتب ان موضوعك منقول هذا مايقل من قدرك بالعكس جي بيتم الاعضاء يحترمون فيك حايتين
أولا الامانه
ثانيا انك مابخلت في نقل معلومه يديده او ضحكه حلوه لهم

ثالثا _ يبين لهم حايتين أولآ انك عضو نشيط مشترك بتتابع اكثر من موقع و لك اكثر من نشاط

3- الدقه ... لو بتنزل برنامج / فيلم / لعبه جديده لازم تكون متاكد ان اللينك اللي كتبته صحيح و بعد يفضل انك تضغط "معاينه مشاركه" قبل ما تنزل الموضوع و تتاكد بنفسك من اللينكات اللي في موضوعك
وبعد لو الملف عليه كلمة سر لازم تكون واثق انها معاك و سليمه

4- المتابعه ... لو طرحت موضوع للمناقشه او نزلت شي يديد لاتنتظر موضوعك و لازم تتابع الاراء المطروحه لو موضعك للمناقشه و ترد عليها و لو برنامج لازم تتاكد ان مافيه مشاكل قابلت الاعضاء

5- اسم موضوعك مهم جدا .. و لو موضوعك للمناقشه و الحوار حاول توضحه لهم

6- مب معني اني مب متفق معاك يتم بينا عدواه .. احترم و جهة النظر المضاده و لو كنت مقتنع فيها حاول تعيد توضيح وجهة نظرك باسلوب يديد ..

7- وأتوضح و ترتب و تكشخ الموضوع يدل علي انك بذلت جهد و حاولت ترضي اللي يقراه .. و هذا اكيد يترك مردود اجمل

ج- و انت تقرا موضوع

1- لو الموضوع يناقش قضيه او يطرح وجهة نظر _مب مال حقك علينا ولا طاش ماطاش _ لازم يكون لك راي و أتحذر ترد بكلمه "شكرا" او شبيهاتها علي موضوع مثل هذا
قول رايك بوضوح .. و لو أن الراي اللي في الموضوع عاجبك اكتب انك بتؤيده ماتكتفي بالقرايه و تمشي ..

2- اخوانك اللي نزلوا برنامج جديد او لعبه او اي شئ يتعبون عشان أيبون الموضوع هذا و مب اقل من التشجيع هذا اقل شئ

3- لو عندك اي فكره او معلومه عن البرنامج أو اللعبه اللي في الموضوع اكتبها علي طول ماتقول انهم اكيد كلهم عارفينها

4- لو دربت نفسك انك تشارك بالاشكال اللي فوق هذي ..صدقيني أشياء كثير وايد في شخصيتك بتتغير اهمها السلبيه يعني بعد انت مستفيد

5- لو كنت مسجل في المنتدى عشان تنقل المواضيع و بس ... ف حتي هذي محتاجه انك تشجع الاعضاء اللي بيكتبوا مواضيع عشان على الاقل تلاقي شي حلو تنقله....
اكيد لاحظتوا ان العناصر اللي بتقيم الموضوع الجيد اكثر و اصعب من العناصر اللي تقوم على الرد الجيد و هذا يأكد لكم نقطه وحده في الجزء الخاص ب "و انت تكتب موضوع يديد"
يالله راوني صدق اقتنعتم بالكلام هذا أللي قلته ولا بس قريتوا نص الموضوع وشكرا بدون فهم تراني ماباه .. انا منتظر ردودكم الحلوه

فااااااالك
طيييييييب

ثبتناه لك

والله انك صدقت

وتسلم عالموضوع

وان شاء الله الجماعه يستفيدون من النصايح

تحياتي

يسلمـــــــــــــــوووو

موضوع يستحق حد يقراه حتى لو كان طويــــــــــــــــــــــــــــــــــل

بصراحة استفدت منه ..............

ماتقصـــــــــــــــــر

mashkoor kan wayed helpful

مشكوور على المعلومات تسلم اخوي ما قصرت الموضوع يستاهل التثبيت

ثااانكس على المضوضوع وان شاء الله بنتبعهم^_^