مـــــــرض الـــــــــــكذب..

نصادف في حياتنا ناس .. وأحياناً أهل أو أصدقاء للأسف ..
هوايتهم المفضلة ( الكــذب ) .. والكذب الغير مبرر بالمرّة ( أدري ما في كذب مبرر وكذب غير مبرر ) ..
ولكن القصد هنا .. إن الكذب هذا ما له أي داعي أبداً .. ولا انهم مجبورين يمشون في طريقه ..

مثلاً ..
تلاقي هالشخص .. يقول لك والله انا عندي وعندي وسرت وسويت واشتريت وسافرت و و و ..
مع انك ما سألته .. ولا كلمته عن هالاشياء ..!!
ولكن تلاقيه .. يسرد عليك قصص ولا قصص ألف ليله وليله .. وياخذك يمين ويسار .. واكشن وافلام ..
ما تعرف شو غرضه ..!!
هل هو ( الخقّه ) والفشخرة .. أم انه مرض وهوايه تعوّد يمارسها عليك وعلى غيرك ..!!


الناس اللي اتكلم عنهم ..
هم اللي عندهم الكذبه مثل كلمة مرحبا .. يعني لا محتاجه تحضير ولا تفكير .. تلاقيها تطلع مني والدرب ..
واسهل منها مااااا في .. لدرجة انها تصير عادة يوميه وطبيعية جداً ..
سؤالي باختصار ..

ناس من هالنوعية .. كيف تتعامل معاهم ..؟؟

تسايرهم رغم انك عارف انه كلامهم كذب في كذب ..!!
تسمع من اذن وتظهر الكلام من الاذن الثانية ..!!
توقّفهم عند حدهم .. وما تسمح لهم يكملون كلامهم ..!!
تواجههم بالحقيقه .. وانك كاشف كذبهم ..!!


كيف ممكن تتصرف معاهم ..؟!